{idkey=4425b0[url=http%3A%2F%2Farisenshine.in%2Farisenshine.in%2Findex.php%2F10-bible-study%2F337-why-god-give-trials-5][title=%E0%AE%A4%E0%AF%87%E0%AE%B5%E0%AE%A9%E0%AF%8D+%E0%AE%A8%E0%AE%AE%E0%AF%8D%E0%AE%AE%E0%AF%88+%E0%AE%9A%E0%AF%8B%E0%AE%A4%E0%AE%BF%E0%AE%AA%E0%AF%8D%E0%AE%AA%E0%AE%A4%E0%AF%81+%E0%AE%8F%E0%AE%A9%E0%AF%8D%3F+-5][desc=%E0%AE%9A%E0%AF%87%E0%AE%BE%E0%AE%A4%E0%AE%A9%E0%AF%88%E0%AE%95%E0%AE%B3%E0%AF%88+%E0%AE%A4%E0%AF%87%E0%AE%B5%E0%AE%A9%E0%AF%8D+%E0%AE%85%E0%AE%A9%E0%AF%81%E0%AE%AE%E0%AE%A4%E0%AE%BF%E0%AE%95%E0%AF%8D%E0%AE%95%E0%AE%BF%E0%AE%B1%E0%AE%BE%E0%AE%B0%E0%AF%8D]}{cmp_start idkey=7113[url=http%3A%2F%2Farisenshine.in%2Farisenshine.in%2Findex.php%2F10-bible-study%2F337-why-god-give-trials-5][title=%E0%AE%A4%E0%AF%87%E0%AE%B5%E0%AE%A9%E0%AF%8D+%E0%AE%A8%E0%AE%AE%E0%AF%8D%E0%AE%AE%E0%AF%88+%E0%AE%9A%E0%AF%8B%E0%AE%A4%E0%AE%BF%E0%AE%AA%E0%AF%8D%E0%AE%AA%E0%AE%A4%E0%AF%81+%E0%AE%8F%E0%AE%A9%E0%AF%8D%3F+-5][desc=%E0%AE%9A%E0%AF%87%E0%AE%BE%E0%AE%A4%E0%AE%A9%E0%AF%88%E0%AE%95%E0%AE%B3%E0%AF%88+%E0%AE%A4%E0%AF%87%E0%AE%B5%E0%AE%A9%E0%AF%8D+%E0%AE%85%E0%AE%A9%E0%AF%81%E0%AE%AE%E0%AE%A4%E0%AE%BF%E0%AE%95%E0%AF%8D%E0%AE%95%E0%AE%BF%E0%AE%B1%E0%AE%BE%E0%AE%B0%E0%AF%8D]}

5. தேவனின் எதிர்பார்ப்பு:

நம்மை தேவன் எதற்காக சோதிக்கிறார் என்பதற்கான காரணங்களைக் குறித்து கடந்த சில வாரங்களாக சிந்தித்து வந்தோம். இந்நிலையில் அந்தச் சோதனைகளில் நாம் வெற்றிப் பெற வேண்டியது எந்த அளவிற்கு இன்றியமையாதது என்பதை குறித்து இந்த வாரம் சிந்திப்போம்.

இந்த வேதப்பாடத்தின் முக்கிய வசனமான சங்கீதம்:11.5 அடிப்படையில் சிந்திக்கும் போது, கர்த்தர் நீதிமானைச் சோதிப்பதோடு, அதில் அவன் வெற்றிப் பெற வேண்டும் என்று எதிர்பார்க்கிறார் என்று அறிய முடிகிறது.

நாம் ஏற்கனவே பார்த்தது போல ஆபிரகாமின் வாழ்க்கையில் அளிக்கப்பட்ட சோதனைகளில், அவர் வெற்றிப் பெற்றார். அதன் பலனாக, அவரது சந்ததி முழுவதும் ஆசீர்வதிக்கப்பட்டதாக மாறியது. அதற்கு தேவனே சாட்சி அளிப்பதை வேதம் குறிப்பிடுகிறது.

அதேபோல யோசேப்பின் வாழ்க்கையில் வந்த சோதனைகளில், வெற்றிப் பெற்று தனது கனவுகளின் நிறைவேறுதலைப் பெற்றார். மேலும் தந்தையின் சிறப்பான ஆசீர்வாதங்களைப் பெற முடிந்தது. அந்தச் சோதனைகளின் வழியாக செல்லாமல், ஆஸ்தி மிகுந்த யாக்கோபின் வீட்டில் வளர்ந்திருந்தால் கூட, யோசேப்பிற்கு அவ்வளவு பெரிய மேன்மையை அடைந்திருக்க முடியாது என்பது எனது கணிப்பு.

இதன்மூலம் சோதனைகளை வென்று தேவனால் உயர்த்தப்படும் ஒரு நீதிமான் எவ்விதமாக ஆசீர்வதிக்கப்படுவான் என்பதற்கு யோசேப்பு ஒரு சிறந்த எடுத்துக்காட்டாக விளங்குகிறார்.

அதே நேரத்தில் தேவனால் அளிக்கப்பட்ட சோதனைகளில் தோல்வியைத் தழுவிய இஸ்ரவேல் மக்கள், வனாந்தரத்தில் 40 நாட்களுக்கு பதிலாக, 40 ஆண்டுகள் அலைந்து திரிந்தனர். மேலும் அவ்வளவு கஷ்டப்பட்ட பிறகும், எகிப்தில் இருந்து புறப்பட்ட யோசுவாவும் காலேப்பும் தவிர, வேறு யாரும் கானான் நாட்டை சென்றடையவில்லை. ஏனெனில் அவர்களில் யாரும் தேவன் அளித்த சோதனைகளில் வெற்றிப் பெறவில்லை.

இதில் தேவனை முகமுகமாக கண்டு பேசிய மோசேயும் உட்படுகிறார் என்பது கவனிக்கத்தக்கது. எனவே நம் வாழ்க்கையில் தேவனால் அனுமதிக்கப்படும் சோதனைகளில் நாம் வெற்றிப் பெற வேண்டியது மிகவும் அவசியமாக உள்ளது.

தேவன் அளிக்கும் சோதனைகளில் நீதிமான்களால் மட்டுமே வெற்றிப் பெற முடிகிறது. அதில் தோல்வி அடையும் போது, நாம் துன்மார்க்கராகவும் கொடுமையில் பிரியமுள்ளவர்களாகவும் கணக்கிடப்படுகிறோம். இப்படிப்பட்டவர்களைத் தேவன் வெறுக்கிறார் என்று சங்கீதம்:11.5 வசனம் கூறுகிறது. மேற்கூறியது போல, தேவன் அளித்த சோதனைகளில் தோல்வியடைந்த இஸ்ரவேல் மக்களை தேவன் வெறுத்தார் என்று வேதம் கூறுகிறது.

யோபின் வாழ்க்கையில் பிசாசு சோதனைகளைக் கொண்டு வந்த போதும், அதை தேவன் அனுமதிக்கிறார் என்று காண்கிறோம். நம் வாழ்க்கையில் கூட சில சந்தர்ப்பங்களில் பிசாசினால் சோதிக்கப்பட, தேவன் அனுமதி அளிக்கலாம். ஏனெனில் பிசாசின் சோதனைகளில் நாம் வெற்றிப் பெறுவோம் என்ற நம்பிக்கையில் தான் தேவன் பிசாசிற்கு அனுமதி அளிக்கிறார்.

ஆனால் பேதுருவை சோதிக்க பிசாசு அனுமதி கேட்ட போது, அதற்கு தேவன் மறுத்துவிட்டதாக, இயேசு கூறுவதைக் காண்கிறோம். எனவே நமது ஆவிக்குரிய நிலைப்பாடு மற்றும் தன்மையை அறிந்து மட்டுமே, நம் வாழ்க்கையில் தேவன் சோதனைகளை அனுமதிக்கிறார். இதனால் ஒவ்வொரு மனிதனுக்கும் தேவனால் அளிக்கப்படும் சோதனையின் தன்மை வேறுபடுகிறது.

எனவே தேவனால் அளிக்கப்படும் சோதனைகளைக் கண்டு இஸ்ரவேல் மக்களைப் போல துவண்டு போய், முறுமுறுக்க தேவையில்லை. மாறாக, கர்த்தருக்காக பொறுமையோடு காத்திருப்போம். ஆபிரகாமைப் போல தேவன் மீது முழுமையான நம்பிக்கை வைப்போம்.

யோசேப்பைப் போல தேவன் அறியாமல் எனக்கு எதுவும் நடக்காது என்ற தைரியத்தோடு செயல்படுவோம். அப்போது ஏற்ற நேரம் வரும் போது, நாம் எதிர்பாராத ஆசீர்வாதங்களாலும் நன்மைகளாலும் தேவன் நிரப்புவார். நம் வாழ்க்கையில் தேவனால் அளிக்கப்படும் சோதனைகளால், நமக்கு நன்மை மட்டுமே காணப்படுமே தவிர, தீமை எதுவும் ஏற்படாது. எனவே தேவனால் அளிக்கப்படும் சோதனைகளைக் கண்டு பயப்பட வேண்டிய தேவையில்லை.

- கர்த்தருக்குள் அன்பான சகோதரன்.

{cmp_end}{idkey=4425b1[url=http%3A%2F%2Farisenshine.in%2Farisenshine.in%2Findex.php%2F10-bible-study%2F337-why-god-give-trials-5][title=%E0%AE%A4%E0%AF%87%E0%AE%B5%E0%AE%A9%E0%AF%8D+%E0%AE%A8%E0%AE%AE%E0%AF%8D%E0%AE%AE%E0%AF%88+%E0%AE%9A%E0%AF%8B%E0%AE%A4%E0%AE%BF%E0%AE%AA%E0%AF%8D%E0%AE%AA%E0%AE%A4%E0%AF%81+%E0%AE%8F%E0%AE%A9%E0%AF%8D%3F+-5][desc=%E0%AE%9A%E0%AF%87%E0%AE%BE%E0%AE%A4%E0%AE%A9%E0%AF%88%E0%AE%95%E0%AE%B3%E0%AF%88+%E0%AE%A4%E0%AF%87%E0%AE%B5%E0%AE%A9%E0%AF%8D+%E0%AE%85%E0%AE%A9%E0%AF%81%E0%AE%AE%E0%AE%A4%E0%AE%BF%E0%AE%95%E0%AF%8D%E0%AE%95%E0%AE%BF%E0%AE%B1%E0%AE%BE%E0%AE%B0%E0%AF%8D]}

கடந்த வார செய்திகள்

Joomla! பிழை நீக்க முனையம்

அமர்வு

விவரக்கோவை தகவல்

நினைவகப் பயன்பாடு

தரவுத்தள வினவல்கள்